Ioh kurup ki BSF ia ki jain ba thmu shalan beain kiba kot T.10 lak

Syllad | The Rising MeghalayaJuly 21, 2023

Ki shipai Border Security Force (BSF) na ka 04 Bn ka Meghalaya sa shisien pat ki la ioh ban pynpulom ha kaba iadei bad ki kam khaii beain lyngba ki jaka khappud jong ka ri hadien ba ki la ioh ban kurup noh ia shibun bah ki jain saree kiba kot sha ka T.10 lak ia kiba la thmu ban shalan beain shapoh Bangladesh lyngba ki jaka khappud ka East Khasi Hills.

Ia kine ki jain la ioh ban kurup noh da ki shipai BSF BOP Pyrdiwah hynne ka sngi katba ki runar kiba donkti ki dang pyrshang ban khaii beain shapoh Bangladesh.

Hadien ka jingiatyngkhuh bad ki BSF, kine ki runar ki la phet krad noh na katei  ka jaka da kaba shim kabu ia ka jingrben jong ki jaka khlaw ba long riat da kaba iehnoh shadien ia kine ki jain ki nep.

Hadien kane la aiti noh ia kine ki mar ba la ioh kurup sha ki bor ba dei khmih na ka bynta ban leh shuh shuh ia kaba donkam.