Ioh kurup ki BSF ia ki tiar ba shongdor palat T.61 lak kiba thmu khaii beain sha Bangladesh

Syllad | The Rising MeghalayaMarch 2, 2025

Ki shipai Border Security Force (BSF) ki la lah ban pynpulom noh ia ki kam khaii beain sha Bangladesh da kaba ioh ban kurup noh ia shibun bah ki tiar kiba kot palat T.61 lak. 

Ha ryngkat ka jingiatreilang bad ki bor pulit ka Jylla, ki shipai BSF na ka 144 Bn ka Meghalaya ki la lah ban pynpulom noh ia ka jingthmu khaii tuh kaba heh bha ha ki bynta khappud ka South Garo Hills da kaba ioh ban kurup noh ia shibun bah ki tiar ki tar kiba shongdor haduh palat T.41 lak. 

Ha kawei pat ka jingkhynra ki shipai BSF ki la ioh ban kurup ia ki tiar kiba thmu ban khaii tuh sha Bangladesh kiba shongdor palat T.20 lak na jan ki bynta khappud ka West Jaintia HIlls.  

La iathuh ba ia kine ki tiar kiba thmu ban khaii tuh la buhrieh hapoh kawei ka jaka khlaw kaba rben hajan ki bynta khappud jong ka West Jaintia Hills bad South Garo Hills District.  

Kumta hadien ba la ioh ia ki jingtip kiba thikna ki BSF ki la pynlong ia kine ki jingkhynra bad ioh ban pynpulom noh ia kine ki jingthmu khaii tuh lyngba ki jaka khappud jong ka ri. 

Ki shipai BSF ki dang iai bteng ban long kiba husiar bad peitngor bha ha baroh ki bynta khappud jong ka ri ban khanglad ia ki kam beain kiba harukom kum ki kam khaii tuh, ki jingwan rungtuh bad kiwei kiwei ki kam bymman.