Ioh kurup ki BSF iaki ïitkhmat ba shongdor palat 50 lak na ki bynta khappud

Syllad | The Rising MeghalayaDecember 16, 2023

Ki shipai Border Security Force (BSF) na ka 193 Bn Meghalaya ha ka jingkhynra kaba kyrpang haka 14 tarik Nohprah, ki la ioh ban kurup ia shibun bah ki ïitkhmat kiba shongdor palat T.50 lak na ki thain khappud ka East Khasi Hills ia kiba la thmu ban shalan beaiñ shapoh Bangladesh.

Ha ka jingpynap shrip ki BSF ki la sakhi ia kawei ka kali kaba pynieng ha ka lynti iaid ba khapngiah hajan ki bynta khappud jong ka ri, bad ha ka jingjurip ki la lap ia shibun bah ki song ba la thep ia ki iitkhmat.

Hadien kane ki bor shipai ki la kem noh ia u nongniah bad u nongbud jong kane ka kali namar ka jingbym lah ban ai ia ka jubab kaba biang bad ban pyni ia ki kot ki sla kiba iadei bad kine ki mar kiba ki pynkit.

Hadien kane ia kine ki briew ba la shah kem kumjuh ia ki mar ba la ioh kurup la aiti noh sha ki bor pulit ka Dangar Police Outpost ban leh shuh shuh ia kaba donkam.