Ioh kurup ki pulit 252 gram u drok heroin na Umtyra, shah kem uwei

Syllad | The Rising MeghalayaSeptember 5, 2023

Ki pulit ka East Jaintia Hills District haka sngi ba Ar ki la ioh ban kurup noh ia u drok heroin uba don ka jingkhia kaba 252 gram na Umtyra ha ka surok National Highway 6 bad kem noh ia u briew uba donkti ia uba la tip kyrteng kum u Thangsiammawia Paite.

Na ka liang u Superintendent of Police ka EJHD, u la ong ba kane ka jingjia ka la wan long hadien ba ki bor pulit hapoh ka jingialam jong u Dy. Superintendent of Police (HQ), u J Myrom, MPS ki la ioh ban bat noh ia kawei ka kali sumo kamai kaba don ia u registration number MZ01 P 2566 kaba dang iaid lyngba ka surok National Highway 6 ha Umtyra.

Hadien ba la pynieng ia kane ka kali ki pulit ki la pynlong ia ka jingtalasi ha kaba ki la ioh ban kurup ia ka synduk kaba don ia kumba 20 tylli ki jingbuh sabon ha kaba la thep ia une u drok.

Ha kaba iadei bad kane ka jingioh kurup la rejistar case hapoh Khliehriat PS bad ka jingtohkit ka la iaid shakhmat khnang ban lapdien ia kiwei pat kiba donkti ha kine ki kam khaii drok.

Kurup ki pulit ia u drok ba kham niar ban poi ha kane ka thain ba shongdor T.15 klur ha East Jaintia Hills