Ioh kurup ki pulit 9 kilo u kynja ha Ri Bhoi

Syllad | The Rising MeghalayaSeptember 21, 2024

Ki pulit ka Ri-Bhoi haka 21 tarik Nailur, kila ioh ban kurup haduh 9 kilo kynja na kawei ka trok ha ki bynta ka Umsning Nongpoh.

U Officer Incharge Nongpoh Police Station, u Michael Marak u la pyntip hadien ba kila ioh iaka jingtip ba thikna halor ka jingdon kawei ka trok kaba kit ïaki jingdih buaid, kumta kila pynap shrip ia kane ka trok ha Umsning bad ha Nongpoh bad kila ioh bat ia kane ka trok ha Nongpoh.

Haba talasi ia kane ka trok kaba don ïa u number NL 02 N 2630 kila lap ia u kynja ba khia 9 kilo bala song bha haki plastic bala kit ha katei ka trok.

Ki Pulit kila kurup noh ia une u kynja bad kem ia u nongniah uba ba tip kum u Geramsha Boro 24 snem rta na Tezpur.

Na ka liang ki bor pulit ka Ri Bhoi ki la register case ha Nongpoh Police Station katkum ka NDPS Act bad ka jingtohkit ka dang ïaid shakhmat.