Ioh kurup ki pulit EJH ia u drok ba shu iehnoh ha surok bah NH-6 ha Umkiang

Syllad | The Rising MeghalayaJune 2, 2024

Ki Pulit ka East Jaintia Hills kila ioh ban kurup ia u drok heroin uba khia 177 gram na kawei ka pla kaba don ha ka jaka ba sanium harud ka lynti surok bah National Highway-6 ha Umkiang, East Jaintia Hills.

Ki pulit ha ka janmiet sngi Thohdieng ba la lah ki la ioh pdiang ia ka phone lyngba ki briew kiba pyntip halor ka jingdon jong kawei ka pla kieng kaba iong kaba don ha ka jaka sanium harud ka suroh Nh-6 ha Umkiang ia kaba la suba ba ki don ia ki kynja jingdih ne ki tiar ba beain.

Kumta ruh na ka liang ki bor pulit napoh Umkiang PPP ki la her mardor sha katei ka jaka ban pynlong ka jingwad, ong ka khubor pulit.

Hadien ka jingwad, ki pulit ki la lapdien ia kane ka pla kaba don haduh 18 tylli ki synduk sabon kiba don ia u drok heroin uba khia 177 gram, ong ka khubor.

Na ka liang ki bor pulit mynta ki la pynlong ia ka jingtohkit kaba bniah ha kaba iadei bad kane ka phang.