Ioh kurup ki pulit ia u drok Heroin ba shongdor T. 2klur ha Shillong

Syllad | The Rising MeghalayaSeptember 21, 2023

Ki bor pulit ha ka janmiet jong ka 20 tarik mynta u bnai ki la ioh ban kurup ia u drok Heroin uba don 253,53 gram uba shongdor haduh T. 2 klur napoh kawei ka kali Sumo na ka thain Madanrting, Shillong.

U Superintendent of Police ka EKHD, u Bah Sylvester Nongtnger, IPS ula ong ba kane ka jingioh kurup ia une u drok heroin ka la wan long hadien ba uwei u nongniah kali Sumo u la pyntip noh sha ki bor pulit halor ka jingdon jong ka pla kaba i suba kaba la shu ieh hapoh kane ka kali jong u da ki arngut ki nongshong kali ne passenger.

Hadien ba ki pulit ki la pynlong ka jingtalasi hapoh Madanrting Police Station ki la lapdien ia 21 tylli ki song sabon kiba don haduh 253,53 gram u drok heroin uba shongdor haduh 2 klur tyngka.Halor kane ki pulit ki la registar cade hapoh Madanrting PS.

Mynta ka jingthwet kala iaid shakhmat ban ioh kem ia kine ki briew kiba donkti.