Ioh kurup ki pulit ia u drok heroin bad dawai pynbuaid na West Jaintia Hills, shah kem arngut

Syllad | The Rising MeghalayaSeptember 13, 2024

Ki pulit West Jaintia Hills ha ka miet 12 tarik Nailur ki la ioh ban kurup noh ia u drok Heroin uba khia 8.25-gram bad u dawai kuli Nitrazepam uba 22.3-gram bad kem noh ia arngut ki suba donkti.

Ka khubor pulit kaba iohkum ka iathuh ba haka por ba ki pulit ki dang pynlong iaka jingtalasi iaki kali ha Phramer haki bynta khappud ka East Jaintia Hills bad West Jaintia Hills kila ioh ban bat noh ia kawei ka taksi kamai Maruti Alto kaba don ia u Registration No ML -11 1883 hadien ka jingsuba jur ia ka rukom iaid jong kane ka kali.

Kumta ki pulit ki la bat noh ia kane ka kali bad pynlong ka jingtalasi ia ki arngut ki briew kiba don hapoh ia kiba la tip kyrteng kum u Haniki Lamare uba kam ialade ba dei na ka shnong Mynthong Jowai bad u Augustine Ryngkhlem u kam ba u dei na ka shnong Kyndongtuber ha kaba ki la ioh ban kurup noh ia u drok heroin kumjuh ia ki dawai kuli Nitrazepam nalor ka pisa T.16745/-.

Ki pulit ki la kem noh ia kine ki arngut bad ka jingtohkit halor kane ka dang iaid shakhmat.