Ioh kurup ki pulit ka East Jaintia Hills ia u drok heroin ba shongdor haduh T.7.2 klur

Syllad | The Rising MeghalayaApril 27, 2024

Ki Pulit ka East Jaintia Hills District ha ka 27 tarik Iaiong kila ioh ban kurup ia u drok heroin uba shongdor haduh T.7.2 Klur hadien ba ki la pynlong ia ka jingpynap shrip ha ki bynta jong ka Ratacherra.

Na ka liang ki pulit hadien ba ki la pynlong ka  jingtalasi ia kawei ka kali Mahindra Pick-up truck ka bym don ia u registration nombor bad kaba thoh (A/F)  ki la lapdien ia kawei ka pla plastik kaba ïong, kaba don hapoh jong ka haduh 84 tylli ki synduk sabon ba la thep ia u powdar uba rongstem khleh rongsoh ia kaba kila suba jur ba udei u kynja jingdih pynbuaid.

Ki pulit ki la leh ia ka test na ka bynta une u powder ha kaba ki la shem ba u dei u drok heroin uba don ka jingkhia 900 gram bad uba shongdur haduh kumba T.7.2 klur ha ki jaka iew beain jong ka pyrthei.

Hadien kane ki pulit kila bat noh ia u nongniah jong katei ka kali uba la tip kum u Nehtinmang Haokip, 36 snem ka rta, ha ka jingtohkit u la phla ba ula wanrah ia une u jingdih pynbuaid na Churachandpur, Manipur da ka jingthmu ban pynpoi sha ka nongbah Shillong.

Shuh shuh ki pulit kila kem noh ia u Haokip bad la pynngat ia u hapoh ki kyndon jong ka Narcotic Drugs and Psychotropic Substances (NDPS) Act bad ka jingtohkit mynta ka dang iaid shakhmat.