Ioh kurup ki pulit ka East Khasi Hills shibun bah ka kyiad bad beer

Syllad | The Rising MeghalayaOctober 11, 2024

Haba bteng ban pynlong ia ka jingkhynra halor ki kam khaii kyiad beain ha ka nongbah Shillong, ki bor pulit ka East Khasi Hills ki la ioh ban kurup ia shibun bah ka kyiad bad beer.

Ha ka jingkhynra ba la pynlong ha ki thain Polo kaba hap hapoh Sadar Police station, ki bor pulit ki la ioh ban kurup noh haduh 115 litar ka kyiad phareng bad 162 litar ka beer.

Na ka liang ki pulit ki la shim ia ki sienjam ban leh ia kaba donkam hadien kane ka jingioh kurup, ong u Superintendent of Police ka East Khasi Hills u Bah Sylvester Nongtnger ha ka 11 tarik u Risaw.

U la ong ruh ba kane ka jingkhynra ka dei ruh shibynta ban tehlakam ia ka jingmih ka huri hura bad ki jingklumar ha kaba kum kane ka aiom lehkmen.