Ioh kurup ki pulit ka EJH ia u drok heroin ba shongdor T.3.6 klur, shah kem 3 ngut
Ki pulit ka East Jaintia Hills ha ka step jong ka 8 tarik Jymmang, ki la ioh ban kurup ia u drok heroin uba shongdur haduh T.3.6 klur bad kem noh ia laingut ki briew kiba donkti na ka thain Lumshnong, EJH.
Kane ka jingioh kurup drok ka dei ruh ka sien kaba san hapoh kane ka district tang ha kine ki shiphew sngi kiba la dep.
![](https://www.syllad.com/wp-content/uploads/2024/09/JIT-Vacancy-823x1024.avif)
Na ka liang ki bor pulit ki la ioh ban kurup noh haduh 40 tylli ki synduk sabon ba la thep ia u drok heroin uba shongdor T.3.6 klur bad 9.031 kilo u kynja na kine ki laingut ki briew kiba ha la ki jong ki lynti da ki artylli ki bus night super ban pynpoi drok shapoh Silchar, Assam sha Guwahati, ong ka khubor pulit.
Kine ki briew kiba la shah kem noh ki dei kiba la tip kyrteng kum u Amzad Hussain Laskar (18), uba dei na ka shnong Rajnagar, Cachar, Assam u Monib Hussain basker 18 snem rta na, Cachar, Assam bad u Chamir Hussain Barbhuiya uba dei na Isalamabad, Silchar, Cachar, Assam, ong ka khubor pulit.
Ia kine ki laingut ki briew kiba la shah kem la rejistar case hapoh ki kyndon ka NDPS Act.
Ka jingioh kurup drok jong ki pulit ka East Jaintia Hills tang ha kine ki 10 sngi ba la lah ka la kynjoh shaduh ka T.15 klur.
Leave a Reply