Ioh kurup ki pulit Ri Bhoi ia ki biskit ksiar ba shongdor 35 lak

Syllad | The Rising MeghalayaJuly 19, 2023

Ki bor pulit ka Ri Bhoi District hynnin ka miet ki la ioh ban kurup noh haduh hynriew tylli ki Biskit Ksiar kiba shongdor kumba 35 lak tyngka hadien ka jingpynap shrip hapoh Kyrdeng Police Check Point.

Kane ka jingioh kurup ka la wan long ruh hadien ba ki bor pulit ki la ioh ia ka jingtip kaba thikna halor ka jingdon jong ki nongkhaii beain kiba pyrshang ban wan rung sha kane ka jylla hadien ba ki la ioh ban bat noh ia kawei ka kali Volkswagen kaba don ïa u nombor AS 01 DT 7519.Hadien ba la pynlong ia ka jingtalasi ki bor pulit kila ioh ban kurup 6 tylli ki biskit ksiar kiba kot sha kumba 60 tola bad shongdor kumba 35 lak.

Ha kaba iadei bad kane ka jingjia na ka liang ki bor pulit kila kem noh ruh 2 ngut ki briew kaba kynthup ïa uwei uba la tip kum u Vinod Kumar Sharma uba dei u nongniah jong katei ka kali bad u Lalshyam Sharma kiba dei napoh Jaipur jong ka Rajasthan.na kine la ioh ruh ban kurup noh ia ki 2 tylli ki mobile phone.

Ha kaba iadei bad kane ka jingioh kem na ka liang ki bor pulit ki dang pynlong shuh shuh ka jingtohkit khnang ban lapdien ia ki jingshisha baroh.