Ioh kurup ki pulit shibun bah ki tiar siat bad kuli ba la buhrieh na Rilum Garo

Syllad | The Rising MeghalayaJanuary 31, 2025

Ki pulit ka Special Operation Team ka East Garo Hills ha ka 30 tarik Kyllalyngkot ki la ioh ban kurup ia shibun bah ki tiar siat bad ki kuli ba la buhrieh hapoh kawei ka jaka klaw hajan ka shnong Chibilbang kaba hap hapoh Rongjeng police station, East Garo Hills.

Kine ki tiar ba la ioh kurup ki kynthup ia ki pistol shna hi, artylli ki kuli mortar shell ne bomb ba 2 inshi bad 428 tylli ki kuli jong ki tiar siat 7.62 AK, ong u heh pulit ka District u Bah SA Rynjah.

Hadien ba la ioh ia ka jingtip kaba thikna ka kynhun ki pulit ba kyrpang ka la pynlong ka jingkhynra hapoh ka khlaw kaba don ha ka shnong Chibilbang kaba hap hapoh Rongjeng police station.

Kane ka jingkhynra ka la sdang naduh ka por 10 baje mynmiet jong ka 29 tarik Kyllalyngkot, bad ha ka por kumba 1 baje mynstep jong ka 30 tarik ki pulit ki la lapdien ia kine ki tiar siat bad ki kuli ba la tep bha hajan uwei u dieng uba heh.

Ia kine ki tiar la kurup noh ha kane hi ka jaka ha ka jingiadon lang ki sakhi ba laitluid, bad ka jingtohkit halor kane ka la iaid shakhmat, ong u SP.