Ioh kurup tiar pynbthei & shah kem 4 ngut ha ki Pulit West Jaintia Hills

Syllad | The Rising MeghalayaJuly 20, 2020

Ki Pulit jong ka West Jaintia Hills District kila ioh kurup ia ki tiar pynbthei dynamite bad kem saw ngut ki briew ha ka shnong Raliang haka miet Sngi U Blei.

U Superintendent of Police, West Jaintia Hills District u Bikram D Marak MPS, ula ong ba ia kine ki tiar pynbthei la ioh kurup na kawei ka kali haka por ba khynra kali (Naka Checking) da ki pulit jong ka Raliang Outpost.

Ula ong ruh ba kila kem 4 ngut ki briew kiba ym pat lah satia ban iathuh iaka kyrteng jong ki bad ki dei ki trai shnong hi.

Ki tiar pynbthei kiba la kurup na kane ka kali ki kynthup iaki bakhor dynamite (Gelatin Stick) 4500 tylli, 4000 tylli ki tikli (Detonators) bad 4 top/drum umphniang diesel kaba 200 litre kawei.

U SP ula ong ba kine ki briew kim don satia kino kino ki kot sla kiba biang bad la register ka case pyrshah iaki bad ka jingtohkit kala iaid shakhmat.