Ïoh kurup dawai Ya Ba ba 1 Klur tyngka na Khliehriat, Heroin 70 gms na Shillong

Syllad | The Rising MeghalayaSeptember 6, 2019

KHLIEHRIAT: Ki Pulit Anti Narcotics Task Force (ANTF) kiba dei peit ïaka jingkhaii drok kila ïoh kurup haduh 76000 tylli ki “Ya Ba” tablet kiba la tip ruh kum ki “World is Yours” (WY) kiba khia haduh 7.85 Kg ba shongdor haka dor iew haduh 1 klur tyngka na Khliehriat.

Ia kine ki dawai jingdih pynbuaid la kurup da ka jingiatreilang ki Anti Narcotics Task Force (ANTF), jong ka East Jaiintia Hills bad East Khasi Hills bad ki pulit jong ka Khliehriat Police Station.

U Superintendent of Police East Jaintia Hills District, Vivekanand Singh, IPS ha u kyrwoh ba ula pyllait ula ba ia une u dawai dih pynbuaid la ïoh kurup na kawei ka longkmie kaba wan na Silchar bad thmu ban leit sha Shillong-Guwahati ha kawei ka kali Sumo. Ha kaba iadei bad kane ka jingioh kurup ia kine ki dawai tablet bad ioh kem ia kane ka longkmie ka jingtohkit ki pulit kala iaid shakhmat bad la pyngngat iaka hapoh ka kyndon aiñ katkum ka Khliehriat PS Case No.135 (9) 19 u/s 8 (c)/22 (c)/29 NDPS Act.

Shuwa kane ka jingiohkurup ia kitei ki dawai tablet, haka 4 tarik une u bnai ki pulit ANTF jong ka East Jaintia Hills bad East Khasi Hills bad ki Pulit ka Ladrymbai OP kila ioh kurup haduh 70.43 gms u drok Heroin na ki ar tylli ki jaka na sor Shillong.

Halor kane ka jingtohkit kala iaid shakhmat bad la register case-Khliehriat PS Case No. 133 (8) 19 u/s 8(c)/21 (b)/29 NDPS Act. Ha kaba iadei bad kane ka jingkhaii drok kiba la shah kem baroh kila kot sha ka 6 ngut bad la kurup haduh 93.92 gms haduh mynta.