Ioh kyrdan PhD u Seven Dar Dkhar

Syllad | The Rising MeghalayaMarch 25, 2025

U samla Seven Dar Dkhar u la ioh ia ka kyrdan Doctor of Philosophy (PhD) ha ka subject Commerce na ka skulbah Dr. Babasaheb Ambedkar Marathwada University, Chhatrapati Sambhajinagar (ba la jutip mynshuwa kum ka Aurangabad), jong ka jylla Maharashtra.

U samla Seven pyndep ia ka Master of Commerce (M. Com) ha ka specialization Finance na ka Saraswati Bhuvan Arts & Commerce College, Chhatrapati Sambhajinagar kaba hap hapoh ka jingpeit jong kane hi ka skulbah.

U la pyndep ia ka jingwadbniah (Research) hapoh ka jingpeitbniah bad btin lynti jong u Dr Ganesh N Kathar, Associate Professor, Department of Commerce, Asaramji Bhadwaldar Mahavidyalaya, Devgoan, Chhatrapati Sambhajinagar (Aurangabad), Maharashtra, halor ka phang “The Impact of Indo–Bangladesh Border Haats on the Socio–Economic Status of the people living in southern border area of Meghalaya with special emphasis to East Khasi Hills & Jaintia Hills”

U samla Seven Dar Dkhar u dei u khun jong ka Kong Plir Dkhar bad Bah Dubli Mawkon ba shong ba sah ha ka shnong Diengsiar, Elaka Suktia, East Khasi Hills District.

Mynta u la trei kum u Assistant Professor ha ka Commerce Department jong ka Don Bosco College Byndihati (ba la jutip mynshuwa kum ka St. Anthony’s College Extension) naduh u snem 2015.