Ioh nongkitkam thymmai ka All Jaiñtia PWD workcharge Assoc, sngewnguh ia u Bah Shangpliang ba rah iaka jingeh ha dorbar

Syllad | The Rising MeghalayaMarch 28, 2022

Ka All Jaiñtia PWD workcharge Association kala jied iaki nongkitkam thymmai jong ka haka jingialang paidbah kaba long ha 26/3/22 ha Community Hall Khliehriat west.

Ki nongkitkam thymmai ka All Jaiñtia PWD workcharge Association:

President – U Phrangki Wann.

Vice President- U Careme Phawa.

Secretary – U Arki Langstang.

Asst Secretary- U Damehi Kyndiah.

Treasurer- U Philip Bareh.

Ha kane ka jingialang la jied ruh iaki executive member jong ka synjuk.

Na kaliang ka synjuk ha kane ka jingialang, kala pynpaw iaka jingsngewnguh ia MLA ka Mawsynram, u Bah Himalaya M Shangpliang uba la kren ha dorbar Assembly dangshen iaka jingeh ki workcharge jong ka PWD haka 14/3/22 halor ban regularise iaki workcharge bad ban siew iaka tulop katkum ka  Fifth Pay kaba ioh lang kiwei ki shakri sorkar. Ka synjuk kala ai khublei ruh ia u George B Lyngdoh MLA Umroi, PT Sawkmie MLA Mawlai kiba kyrshan iaka jingrah u bah Shangpliang iaka jingeh ki nongtrei workcharge ha PWD.

Ka All Jaiñtia PWD workcharge Association kala ai khublei ia u Deputy CM u Bah Prestone Tynsong uba la kular ban shimkhia iaka jingeh workcharge bad siew iaka tulop katkum ka Fifth Pay Commission.