Ioh nongkitkam thymmai ka KSU War Jaintia Circle, sawa ka sur ban pyrkhat tynrai iala ka tynrai

Syllad | The Rising MeghalayaFebruary 25, 2024

U Lambokstarwell Marngar president KSU central body, haka 24 tarik Rymphang ula wan ban pynskhem bad pyntian smai iaki nongkitkam bad dkhot ba thymmai ka KSU War Jaintia Circle na ka bynta ka samoi treikam 2024-27 haka jingialang kaba long ha Eniowell Hall Amlarem.

U president bathymmai ka KSU War Jaintyia u dei u samla Lop Stevenson Khonglah bad u samla Platini Mukhim kum u General Secretary.

Ha kane ka jingpyntian smai ia ki nongialam ka War-Jaintia Cicle la ia donlang ryngkat ruh u bah Shiningstar Kharbihkhiew Environment Secretary CEC, u bah Pynkmenlang Sanmiet Education Secretary CEC, u President Synjuk Waheh-Chnong Rilum Jaintia ma Arminius C. Lipon, ki nongialam shnong bapher bapher ka thaiñ War Jaintia bad ki riewshemphang ba paw ka thaiñ War Jaintia u Ma Mankular Lamin Gashngam, Dr.HH Mohrmen, ki Muktiar (Advocates), ki kynhun sengbhalang kum ka FKJGP, JSU bad HNYF ryngkat  ki nongialam bad ki dkhot ka KSU West Jaintia Hills Dist Unit nalor kiwei kiwei.

U Bah Lambok Starwell Marngar, haba kren ula kyntu kynpham ia ki ki dkhot bad nongialam ba thymmai ka KSU-War Jaintia Circle bad ka jingbah khlieh ba ki don ba noh synniang sha ka jaidbynriew bad ban don ka jingbah khlieh ban tynrong lang ia ka khia ka shon kum ka ka jiadbynriew ka kynduh.

U Ma Mankular Lamin Gashnga ula ong ba “Ka thma kam dei ka jingïaleh da kaba mih surok ne da kaba ïaum snam, hynrei kumba ong ka jingrwai KSU, ‘ha ka thma pyrkhat ngin ym liem’. Klet noh kata ka Khasi Hills ne Jaintia Hills ne ki jingbatai ki phareng ne ki nongwei-nongar shaphang jong ngi, ne kita ki kyrteng district sorkar. Ka por ka lah poi ban pyrkhat tynrai ia la ka tynrai. Kum ka nuksa, ia kane kaba ki ong elaka Nongtalang, ka ktien elaka ka dei ka ktien nongwei, hynrei ka kyrteng tynrai jong ka ka dei ka ‘Khiar u Ria Sengot Hympyio Lyndoh’ (Ka Kher u Saw Sangot Phra Lyngdoh). Kum ka Hima Shyllong la ju tip kum ka Hima Saw Kher Lai Lyngdoh. Bad ruh ngi ki Lamin nangne ngi iadei kur bad ki Marngar na Nongstoin. Ngi dei ‘Ka Ri ki Laiphew Syiem, ki Laipher Kur.’ To ngin klet noh ia ka jingiapher thaiñ ne hima. Ka ktien ‘Khasi’ ka dei ka paw-pyrthei (official name) jong ngi kaba ki briew ki tip ia ngi baroh u Khynriam u Pnar u Bhoi u War, u Maram, u Lyngngam bad kiwei. Kum u Japan, ki khot ialade Nippon, hynrei kim ju wohnia ba yn thoh ia ki Japan. Ne u China ki tip ialade kum ki Zhongguoren, hynrei kim ju wohnia  ba ki briew kin khot ia ki Chinese ne China. Kumta, ai ba ka kyrteng ‘Khasi’ kan tehsong ia ngi ba ngi kiew irat shaphrang”

U Dr. HH Mohrmen, u la pynshai shaphang ka raid ka elaka ka kur ka jait, khamtam ia ka jingpynshai halor ki ktien Khasi, Pnar bad war bad ka rukom shim ktien na kiwei pat ki kyntien ha kaban ai kyrteng ne khot, ka jaidbynriew Khasi-Pnar kan riewspah jin da ka shim kylliang ban kren ki kyntien kibym don kyntien ban khot ban ia kaban shim na ki ri nongwei nuksa ia ka ktien English la shim bun na ki ktien Greek, Latin, German ta kadaw ka long mynta ka ktien kaba riewspah. kane ruh ka don kam ban pynriewpspah ia ka jaidbynriew