Ioh nongkitkam thymmai ka Rotary Club Jowai
Ka Rotary Club Jowai kaba la kynjoh sha ka 28 snem ka jingshakri jong ha Jowai, haka sngi Saitjain kala ioh ha kaban jied thymmai iaki nongkitkam jong ka naka bynta ka samoi treikam 2023-24.
Ia kane ka jingialang la pynlong ha Infinity hall Mooralong Ladthadlaboh, Jowai.
Ha kane ka sngi la iadonlang u Rtn. (Dr) K.S.Elangbam (MPHF) Major Donor, Governor Nominee 2023-24 kum u kongsan.
Iaki nongkitkam ba thymmai ka Rotary Club Jowai na ka bynta ka samoi jong u snem 2023-24 ki kynthup ia u President Rtn. Deibormi Toi bad u Secretary Rtn. JM.Pohsngap (PHF), S.K.Lato (MPHF) Vice-President , Rtn. Samehi Laloo, IPP, Rtn. R.E.Laloo, President Elect 2024-25, Rtn. Lakhon Laloo Treasurer, Rtn. D.F.Majaw (PHF) Sergeant at Arms, Rtn. E.F.Gatphoh (MPHF) Foundation Club Trainer, Rtn. D.Biam, Director Club Service, Rtn. B.P.Najiar, Director Community Service, Rtn. M.Gatphoh, Director Vocational Service, Rtn. B.Lytan, Director International Service, Rtn. Montri Passah, Director Youth Service, Rtn. (Dr) D.I.Kjam, Director Literacy Service, Rtn. R.Nongtdu, Director Bulletin Editor.
U Rtn. (Dr) KS Elangbam (MPHF) Major Donor, Governor Nominee 2023-24 haba kren kum u kongsan halor ka thong jong ka Rotary International u la ong ba ka jinglah ban khring ia ki paralok hapoh ka Rotary Club ka long kaba hakhmat eh bad kane kan iarap ban pynim bad pynneh ia ka Rotary Club ha shityllup ka pyrthei.
Shuh shuh u la ong ruh kiwei de ki mat ba la dep pruid dak ha une u snem lyngba ka Rotary of International ki long ban thaw ki lad ki lynti ha ka ban wanrah ia ka shongsuk shongsain hapdeng ki jaitbynriew bapher, ban pynkup bor ia ki kynthei ha ki liang baroh bad ruh ban kyntiew ia ka imlang sahlang ha ka liang ka pule puthi, ka koit ka khiah bad kiwei kiwei ki kam kiba ka Rotary Club ka shait ai ka jingshakri ia ki paidbah.
Ka Rotary Club Jowai kum ka dak ka jingsngewnguh sngewburom ia u Rtn. Montri Passah (MPHF) Past President 2021-22 kala pynkup burom ia u.
Facebook
Instagram
Youtube
Twitter
Leave a Reply