Ioh nongkitkam thymmai ka Synjuk Waheh Shnong Ri Jaintia 2024-27

Syllad | The Rising MeghalayaMarch 25, 2024

Ka Synjuk Waheh Shnong Ri Jaintia haka Annual General Meeting ka la jied biang ia u Ma Arminius Lipon Waheh Shnong Pynthorlangtein kum u President na ka bynta ka samoi treikam jong u snem 2024-2027.

Ia kane ka Annual General Meeting la pynlong ha Shnong Ialong, West Jaintia Hills District haka 25 tarik Lber haka jingdonlang ki Waheh Shnong bad Life Member na ki ar tylli District ka Rilum Jaintia.

Nalor u President la jied ruh ia u Kampher Pohlong Waheh Shnong Amlarem kum u General Secretary, Tellme Phawa Waheh Shnong Sabahmuswang kum u Finance Secretary bad u Damon Dkhar Waheh Shnong Moodop Nartiang kum Publicity Secretary.

La jied ruh iaki Life Member jong ka Synjuk ba kynthup ia u Ma Bishar Shylla Treasurer, Selsing Langi bad Nidamon Shullet kum ki Internal Adviser jong ka synjuk.

Iaka kam Vice President la bat da ki president naki Block Unit kynthup u Firmly Rymbai Khliehriat Block Unit, Damian War Namdong Block Unit, Ebormi Pale Thadlaskeiñ Block Unit, Twinson Rymbui Amlarem Block Unit, Niawbait Ymbon Laskeiñ Block Unit bad Hame Rilang Saipung Block Unit.

Ki Joint Secretary kynthup Benedict Buam Amlarem Block Unit, Wilbert Nongtdu Khliehriat Block Unit, Arsuk Tyngkra Thadlaskeiñ Block Unit, Matheus Dkhar Saipung Block Unit, Malbi Timung Namdong Block Unit bad Risneilang Langstang Laskeiñ Block Unit.

Nalor kine la jied ruh ia ki Saw-phew ngut ki dkhot Executive Committee jong ka synjuk na baroh artylli ki District.

Ha kane ka sngi la ioh ruh ban pynsngew iaka jingkhein jingdiah ne Audit Report jong u snem 2021-2023. La pynsngew ruh iaki matti treikam jong ka synjuk haka jingiaid lynti ha kine ki Lai snem kiba la leit noh.

U Ma Arminius Lipon haka jingkren ula kyntu iaki waheh Shnong, Life Member bad dkhot ban long kiba trei shitom, kiba sngewrit bad iaishah bad ruh ban don ka jingiatylli khnang ban lah ban wanrah iaka jingtrei hok jingtrei khuid haka kam synshar Shnong synshar thaw bad haki kam imlang sahlang.

U kyrmen ba kane ka Executive Committee kaba thymmai kan lah ruh ban pyniatylli iaki paradoh parasnam bad ban pynim pynneh pynsah iaki dong ki Shnong khamtam haki jaka khappud bad kiwei.