Ioh pdiang khusnam ENBA Gold Award ka samla Khasi ba trei bad ka India Today
Ka samla Khasi ka Alicia Bakor Phanwar ka la wanrah nam ia ka Jylla Meghalaya hi baroh kawei lyngba ka jingioh pdiang ia ka khusnam ENBA Gold Award na ka bynta ka Best News Producer ha ka ktien English ha ka Exchange 4 media News Broadcasting Awards (ENBA) ba la pynlong hapoh Imperial Hotel, New Delhi ha ka 30 tarik Lber 2024.
Kane ka jingai khusnam ka long shibynta ban ai ka jingithuh ia ki shlem pathai khubor kumjuh ia ki nongai khubor kiba tbit tam ha ki karkhana pathai khubor hapoh ka ri India.
Ka Alicia 26 snem rta ka dei kaba dang khynnah tam ka ban shimti ia ka bynta kum ka nongpeit nongkhmih hapoh ka jaka treikam jong ka lad pathai khubor ba pawkhmat hapoh ka ri, ka India Today.
Nalor kata ka Alicia ka dei ruh kawei napdeng ki producer kiba hakhamt eh na ka bynta ka marquee show “News Today at 9” ha ryngkat u Rajdeep Sardesai kaba la pynlong ia ka ba kan ioh pdiang ia kane ka khusnam ENBA Golad Award.
Kumjuh kala long ruh kum producer ba hakhmat na ka bynta ka “Mission 2024” ha ryngkat ka Preeti Choudhry ha kaba ka la ioh ia ka khusnam kum kaba tbit tam ha ka jingpynmih ia kane ka show.
Shuh shuh kane ka samla ka dei ruh kaba la trei teng bad u Arnab Goswami na ka Republic TV kumjuh ruh bad ka CNN-News 18.
Ka Alicia watla ka dei kaba wan na ka jylla kaba don ha ka thain shatei lammihngi jong ka ri India kaba iapher ha ka ktien hynrei ka la lah shisha ban kiew shakhmat bad ban ioh pdiang ruh ia ka jingjop.
Facebook
Instagram
Youtube
Twitter
Leave a Reply