Ioh pdiang ki kynhun SHG mar T.50,000 hapoh ka skim PMKSY

Syllad | The Rising MeghalayaFebruary 8, 2024

U Myntri Rangbah ka jylla u  Conrad K Sangma, uba la leit ban iashimbynta haka jingialang ka Public Programme kaba hap hapoh ka Pradhan Mantri Krishi Sinchayee Yojana, (PMKSY-WDC 2.0) haka 7 tarik Rymphang, ula aiti iaki cheque sha ki kynhun SHCs kaba mar T.50 hajar na kylleng ki ditrict. Ha kane ka program la donlang ruh u Myntri ka tnad Soil & Water Conservation, u Marcuise N Marak.

Ha ka jingkren ha kane ka jingïalang u Myntri Rangbah ka jylla u Conrad K Sangma, u la ong ba ka um ka dei kaba kongsan ia kano kano ka ri, hynrei ban ioh iaka um kaba khuid kaba suba ka long ka jingeh ia kiba bun ki ri.  “Baroh ki jingtih bad wadbniah ki kdew iaka jingkyrduh um,”ula bynrap. Ula ong ruh ba ka jylla Meghalaya ka dei kaba kyrkhu ba biang ka um, hynrei ka jingeh kalong ban tyngkai ïa ka um. “Da ki snem ngim shym lah shim ki sienjam halor ki lynti ban tyngkai ïa ka um haka ,” la ong u Conrad

“Kaei kaba ngi leh ha kine ki sngi ka dei ka jingshim iaki sienjam ban pynthikna ka jingpynjanai ïa ki tyllong um,” la ban u Myntri Rangbah ka jylla.

Shuh shuh na ka liang u Myntri Rangbah ka jylla u la ong ba ki don bun ki briew kiba dang shaniah iaka um na ki khlaw ki btap, ki khyndew ki shyiap bad ka um na ka bynta ka jingkyndoi jakpoh jong ki. “Ngi donkam ban jied artylli ki lynti hapdeng ba shim ki sienjam ban pynneh bad ïada ki tyllong um hynrei ha kajuh ka por pat ki paidbah kiba dang shaniah ïa ka kamai jong ki ha kine ki donkam ban jied da kawei pat ka lad kamai kaba lah ban ktah ïa ka mariang” la ong u Myntri Rangbah ka jylla da kaba bynrap ban jop ïa kane ka jingthmu bad ban poi sha ka thong donkam ka jingsnohkti lang jong ki shnong ki thaw khnang ba lah ban pyntyllun ïa ka kam shakhmat.

Hashuwa kane u Myntri ba dei khmih ïa ka tnad Soil & Water Conservation, u  Marcuise N Marak u la ong ba ka PMKSY ka lah don la ka bynta kaba kongsan ban ai jingkyrshan ïa ki SHG ba kin lah ban pyntyllun kiba bunjait ki kam kiba lah pat ban pynmih kamai, ka jinglah ban rep ban riang katkum kane ka juk ba mynta bad kumjuh ruh ka jjngplie ka lad aikam aijam bad ka  Watershed Development Component jong ka  PMKSY ym tang ba ka pynleit jingmut halor ka kamai kajih hynrei ha kajuh ka por ka dei kaba kyntiew ruh halor ka jingpynmih ki marrep ha ka jylla. Ha kajuh ka por u la pyntip ruh lyngba ka jingiatreilang ïa kiba bun ki skhim bad ki program ha kiba bun ki liang kynthup naduh ka rep ka riang, ka jingkyntiew ki jaka kyndong, ka jingshim ki sienjam ban tyngkai ki khlaw bad ki tyllong um ka PMKSY kala poi sha ka thong.

Ki SHGs na kyllieng Khasi, Jaintia bad Garo Hill kila shimbynta ha kane ka prokram bad iathuh iaka  jinglap jongshem jong ki.