Ïoh PSA Oxygen Plant ka Jowai Civil Hospital Ialong bad Nongstoin Civil Hospital

Syllad | The Rising MeghalayaOctober 7, 2021

Ka Jowai Civil Hospital Ialong bad ka Nongstoin Civil Hospital kila ioh ïaka Pressure Swing Adsorption (PSA) Oxygen Plants kaba mar 500 LPM haka sngi Palei.

Kine ki oxygen plant ki dei kiba la pynioh lyngba ka PM-CARES fund, kaba u Myntri Rangbah Duh ka Ri Narendra Modi ula ai kyrpang sha ki 35 tylli ki jylla bad ki UT.

U Myntri Rangbah Duh ka ri ula plie paidbah ia kine ki oxygen plant haka ka jingialang kaba long ha AIIMS Rishikesh, Uttarakhand.

Ha Jowai Civil Hospital Ialong la plie paidbah ia kane ka oxygen plant da u MLA Jowai Wailadmiki Shylla haka jingiadonlang ki DMHO, West Jaintia Hills District, Dr KC Ajar, Ka Kong DD Syngai, MCS, Addl. Deputy Commissioner nalor kiwei kiwei.

Ha Nongstoin Civil Hospital la plie da u Myntri ka tnad ka Koit ka Khiah ka Sorkar Jylla u James PK Sangma haka jingiadonlang ki heh ophisar ka tnad ka koit ka khiah.

Kane ka juh ka oxygen la plie paidbah ruh ha Civil Hospital, Ampati da u deputy Commissioner, South West Garo Hills, Ramakrishna Ch. Chitturi.