Ioh pule ki samla pule naka bhah ki trai Jylla, pyrshah ka HYC

Syllad | The Rising MeghalayaAugust 29, 2020

Ka Hynñiewtrep Youths’Council (HYC) Education Cell ka pynpaw iaka jingpyrshah kaba jur halor ka jingmih kyrteng bad ka jingioh bhah jong ki ar ngut ki khynnah pule U Iftikar Ali Mondal bad ka Ummay Habiba Begum kiba na ka scheduled caste ban leit pule lyngba ka state quota ha ka College of Agriculture, Manipur.

Katkum ka jingpynbna jong ka tnad ba la pynmih ha ka 28-09-2020 da ka Directorate of Research, Training & Technology Induction, Meghalaya, Shillong ba ki don 14 ngut kiba shah jied ban pule ha katei ka college.

2 ngut ki dei na ki ba shah jied ki dei na kiwei pat ki jaibynriew paid kata na SC, kawei ka seat pat kala leit sha ka OT, 11 seat kala leit sha ki Khasi-Jaintia bad Garo.

“Ngi pyrshah jur bad ym sngewiahap satia halor Kane jingioh bhah kyrpang jong kine ki ar ngut ki khynnah pule kiba dei naka jaidbynriew Muslim ki bym dei ki riewlum jong ka Jylla Meghalaya ban leit pule lyngba ka bhah Jong ka Sorkar jylla. Ka Seng  ka dawa naka Director of Agriculture ban pynshai ba halor kano ka nongrim ba kine ki ar ngut ki khynnah pule ki ioh iaka bha kum ki scheduled caste ban leit pule lyngba ka state quota kaba dei hok tang iaki Scheduled Tribe katkum ka jingtip jong ka seng,” la ong u Enlang Sawian Secretary Education Cell CEC.

U ong u Enlang Sawian Secretary Education Cell CEC, ula ong “Ngi la dawa ruh naka Sorkar Meghalaya ban pynshai mardor ba naduh mynno ki scheduled caste(SC) bad ki Other Backward Classes(OBC) ki la ioh ia kata ka bhah kyrpang ban kin leit pule ha ki line jingpule lyngba ka State Quota ia kaba la mang kyrpang tang iaki samla riewlum jong ka Jylla kaba katkum ka reservation policy.”

“Ka HYC ka dawa iaka tnad Directorate of Research and Training Technology ba ka dei ban pyndam mardor ia ka kyrteng jong ki ar ngut ki khynnah pule kiba la mih kyrteng katkum ka notification ba la pynmih,” ula bynrap.