Ioh pyllait im ia ka khun ‘la thapsim na Lakroh

Syllad | The Rising MeghalayaOctober 3, 2021

U Dapmon Pohtam ula ïoh ban pyllait im ïa ka wei ka khla thapsim (Leopard Cat) ki mrad kiba la jan duhjait.

Ia kane ka khla thapsim la ioh da Dapmon Pohtam, uba trei ha Lakroh Mini Hydel Project haka 1 tarik une u bnai katba u dang pynkhuid ïaka phyllaw haka jaka trei jong u.

U Dapmon Pohtam ha ryngkat u u Eddy Kery Pohtam uba long u president JSU War Jaintia Circle haka sngi U Blei ki la aiti noh ïa kane ka khla sha ka tnad Wildlife Division, Jowai.

U ne u nongialam ka JSU ula kyntu iaki paidbah ban ai jingiada ia kum kine ki mrad kiba la jan duhjait bad ban pynbha iaka sawdong sawkun ka mariang. Ula pynpaw iaka jingkmen ba ki dang lap ia kum kine ki mrad ha ki khlaw ki btap ha katei ka thain bad ula banjur ia baroh ban tyngkai iaki khlaw ki btap bad iaki mrad ki mreng.