Ioh pyllait im ki pulit ka tnad Fire & Emergency Services ia u rangbah ba sahkut haka jingshlei ka Wah Myntdu

Syllad | The Rising MeghalayaMay 31, 2024

Uwei u rangbah uba sahkut sha shilliang ka Wah Myntdu ha ka shnong Ialong ula lait na ka jingma jingmynsaw hadien ba la ioh pyllait im ia u da ki pulit ka tnad Fire & Emergency Services, Jowai.

Une u rangbah u dei u Mar I Lyngdoh 35 snem ka rta na ka shnong Muthlong lok jong ka kong Kahi Pale naka shnong Ialong.

Kane ka jingjia kala jia haka 29 tarik Jymmang haka por ba wan ther jur u slap bad ka jingsyllad ka eriong Remal.

Une u rangbah uba leit jngoh iaka jaka rep ula sahkut sha ka jaka rep hadien ba heh ka umsaw na ka wah Myntdu.

Kiba iohi ia kane ka jingjia kila pyntip sha ki Pulit Phramer kiba la pyntip pat sha ki Fire & Emergency Services, Jowai bad leit shaw ia u Mar. Hapdeng ka jingheh ka umsaw ki pulit Fire & Emergency Services kila pyndonkam da ka lieng ban iakhun iaka jingkhlain bor jong ka wah Myntdu ban pyllait im ia u Mar.