Ïoh pyllait ki pulit sa 11 ngut ki kynthei khynnah ba shah khaïi ha ki kam awria
JOWAI: Ki Pulit jong ka Jowai Police Station, West Jaiñtia Hills kila ïoh ban pyllait sa 11 ngut ki kynthei khynnah kiba shah khaii ha ki kam awria bad kila ïohkem ruh sa 2 ngut ki suba nongpynioh kynthei na Jowai bad ki shnong marjan ka Jowai.
Kine ki ar ngut kiba shah kem kiba suba jur ki dei ki nongpynioh kynthei ki dei u Nikil Sarkar (30) uba naka shnong Muktapur bad ka Victoria Shylla (34) ba na ka shnong Mowtyrchiah.
![](https://www.syllad.com/wp-content/uploads/2024/09/JIT-Vacancy-823x1024.avif)
U Superintendent of Police West Jaiñtia Hills District U Bah Lakador Syiem haba kren bad ki nongthoh khubor haka sngi Balang ula ïathuh ba haduh mynta 20 ngut ki kynthei khynnah kila ioh ban pyllait. Haduh 9 ngut ki dei ki khynnah hapoh ka 18 snem ka rta, 3 ngut kiba ym pat lah ban pynthikna ïaka rta.
Baroh 10 ki suba nongkhaii bad ki nongwad kynthei kiba shah kem kila don mynta hapoh ka jingshah tian bishar haka ïing kashari.
“15-16 ngut eiei ki briew ngi la bat ban tohkit halor kane ka jingkhaii ïaki kynthei khynnah sha ki kam awria bad ngi dang tohkit bniah ban pynthikna la ka don ne ka jingkhaii ïaki kyntghei khynnah ban leh ki kam awria shabar ka District bad ka Jylla,” la ong U Bah Lakador Syiem.
U SP ula kyrpad ïaki shnong bad ki nongialam shnong ba kim dei ban kyntait ïa kine kiba shah pyngngop ha ki kam awria haka imlang sahlang, hynrei ban ai ïaki ka jingiarap ban kin lait na kane ka kam khnang ba kin lah ban tei ïaka iing ka sem bad ka imlang ka sahlang baroh kawei.
Leave a Reply