Ioh riti treikam ka kur Lamare

Syllad | The Rising MeghalayaMarch 8, 2023

Ka Kur Lamare Pyllun Jaintia Hills haka sngi Balang kala pyllait paidbah iaka riti treikam jong ka kur Lamare haka jingialang kaba long ha madan Tpeppale, Jowai.

U MDC Narpuh kum u kongsan u Ma Emlangki Lamare haka jingiadonlang u Salong Lamare, Dolloi Elaka Nartiang kum u symbud kongsan nalor kiwei ki riew rangbah, ki longkmie ka Kur Lamare na ki shnong ki Unit bapher.

Kane ka jingïakynduh lang jong ka Kur Lamare ka dei ka sien kaba Saw bad ïaka jingïalang la pynïaid da u Wompher Lamare President ka Kur Lamare Pyllun Jaintia Hills

Ka Kur Lamare kala pynkup burom ia u Salong Lamare, Dolloi Elaka Nartiang kumjuh ïaki khun samla ka Kur kiba la poi shakhmat ha ki kyrdan pule bapher bapher.

Kiwei kiwei ki kren bad sneng kraw ki kynthup ia u Kordor Lamare, uba la kren halor ka Phang ka jingïatylli, u Heiporme Lamare halor ka phang “Ka Akor-Burom bad ka shongkha -shongman” katba u Marbiangki Lamare ula kren halor ka phang ” Ka jingpynneh pynsah ìaka Mariang”.

La pynphuh pynphieng ïaka jingkynduh lang da ki jingrwai jingshad ba la shim bynta da ki khun samla ka Kur Lamare jong ki Unit bapher.