Ïoh rung semifinal ka Khliehtyrshi duh ka Khimusniang haka T20 ka AJCA

Syllad | The Rising MeghalayaApril 2, 2021

Ka Khimsniang SC watla ka jop haka jingïakhun kaba khatduh jong ka na ka Group A pyrshah ïaka Hills United Cricket Club da 6 wickets, hynrei kala duh noh pat ban rung sha ka semifinal da ka Net Run Rate haka Open To All T20 cricket ka All Jaintia Cricket Association (AJCA).

Kane ka jia long hadien ba kala duna haka NRR (Net Run Rate) bad kala shah tam haka Khliehtyrshi SC kaba la kamai 0.52, katba ka Khimusniang kala kamai tang -0.09. Baroh ar kine ki kynhun kila jop mar ar sien na ki saw sien ïakhun.

Haba phai sha ka Khimusniang haka jingïakhun kaba khatduh jong ka haka sngi Palei pyrshah iaka Hills United CC kala jop da 6 wicket.

Ka Hills United Cricket Club kaba la hap tied nyngkong kala kamai 180  ron na ki 20 overs bad ka la duh noh 7 wickets. U Edify Patwet u la kamai 56 ron (7×4 bad 3×6), Yoohimitre Patwet pat u la kamai 31 ron (3×4 wa 3×6). Ki nongkwang bol ka Khimusniang ba kynthup ia u Pynilynti Bareh bad u Pynshngain Suchiang kila ïoh khur mar 2 wicket.

Ka Khimusniang haba beh iaka hong ka la lah ban kamai 181 ron na ki 17.2 overs bad ka la duh noh 4 wickets.U  Lumporlan passah u la kamai 59 ron (6×4 bad 5×6), u Pynilynti Bareh u la kamai 51* ron (4×4 bad 5×6), U Nibiangmon Sutnga pat u la lah ban kamai 41 run (2×4 bad (4×6).

U Edify Patwet u la khur 2 wickets na ki 4 Overs.

Da kaba kut noh ki jingïakhun ha ka wat kaba nyngkong (group stage), Ka Mowkaiaw United kan aireng pyrshah iaka Umshangiar haka semifinal kaba nyngkong haka 3 tarik une u bnai bad ka Rising Star pyrshah iaka Khliehtyrshi haka 5 tarik. Bar ar tylli kine ki jingiakhun kin sdang naduh ka por 9 baje mynstep ha madan Jrisaleiñ.