Ïoh Schedule Tribe certificate u Bengali uba ai jait Rymbai dawa pyndam ka JSU
JOWAI: Ka Jaintia Students’ Union (JSU) kala ai por 10 sngi ïa Deputy Commissioner jong ka West Jaiñtia Hills District ban pyndam ïa ka syrnod Schedule Tribe u wei u Bengali ba ai kur haka jait Rymbai.
Une u briew ba dei na jaidbynriew Bengali ula jait sha ka kur Rymbai, udei uba la tip kyrteng kum Raja Sharma Rymbai.
![](https://www.syllad.com/wp-content/uploads/2024/09/JIT-Vacancy-823x1024.avif)
U President JSU u Lawyer Son War ula ïathuh ba une u Raja u la ïoh pule haka University jong Gastronomics Sciences, Pollenzo Italy bad mynta u mihkhmat haka Slow Food International Festival kum u jaidbynriew Pnar.
Ka JSU hadien ba kala bna ïa kane ka kam shimkabu une u Raja kala ujor sha u Deputy Commissioner West Jaintia Hills bad kyrpad ïa u DC ban wad ïaa ka jaka sah ba pura u Raja Sharma bad ka JSU kala ai por 10 sngi.
U Ma Lawyerson War ula ong ba une u Raja u ai jait sha ka kmie nah jong u kaba na ka jait Rymbai, hadien ba u kpa jong ula shongkha bad hadien ka jingkhlad ka kmie trai u Raja.
“Kane kadei ka jingshim kabu une u Raja tang ban ïoh jingmyntoi kum u rit paidbah bad ngi dawa jur na u Deputy Commissioner ban pyndam mardor ïaka syrnod Schedule Tribe jong u Raja,” la ong u Lawyer.
Leave a Reply