Ioh sei ka SDRF ia ka metiap u khynnah ba ngam jyllop ha Umiam

Syllad | The Rising MeghalayaSeptember 7, 2024

Ki dkhot ka State Disaster Response Force (SDRF) haka 7 tarik Nailur ki la ioh ban sei noh ia ka metiap jong uwei u khynnah rit uba la ngam jyllop hapoh ka wah Umiam ha ka shnong Nonglum Mawiong, Ri Bhoi District.

Hadien ba ki bor pyniaid District ka East Khasi Hills ki la ioh pdiang ia ka jingkyrpad jingiarap na ki pulit ka Ri Bhoi ha ka miet 6 tarik, kumta ki dkhot ka State Disaster Response Force (SDRF) ka la hiar sha katei ka jaka ban pynlong ka jingwad ia katei ka met jong utei u khynnah ha ka step kaba bud, kata naduh ka por 10:30 mynstep.

Kane ka kynhun SDRF ba la ialam da u Inspector Bah Transly Tynsong ka la ioh ban sei ia kane ka met jong une u khynnah ha ka por kumba 10:30 mynstep.

La ngeit ruh ba kane ka metiap ka dei jong u Biki Makri uba dang 10 snem rta uba dei u khun jong ka Kong Jantilin Makri na ka shnong Nonglum Mawiong, Ri Bhoi District.

Hadien ia kane ka metiap la aiti noh sha ki bor pulit bad kiba haiing hasem jong une u lanot uba la khlad noh.