Ioh shuti ki skul kiba hap hapoh Shillong municipal

Syllad | The Rising MeghalayaJuly 31, 2024

Ka Sorkar Jylla ka la pynbna da ka shuti sha baroh ki skul kiba hap hapoh u pud u sam jong ka Shillong Municipal ha ka 2 tarik Nailar, namar ka jingpynlong ia ka lympung ialehkai ‘Durand Cup’ ha madan JN Stadium, Polo.

Haba pyntip ia kane u Director ka School Education & Literacy u Swapnil Tembe u la ong ba kane ka rai pynbna shuti ka dei kaba la shim halor ka shithi ba la phah da ka Director of Sports & Youth Affairs kaba la pyntip ba kan don ka jingialang plie ia ka lympung ialehkai phutbol ‘Durand Cup’ ha ka 2 tarik Nailar 2024, hapoh JN Stadium, Polo ha kaba ka lah ban wanrah ia ka jingsahkut kali kaba jur bha ha ki bynta jong ka nongbah Shillong.

Kumta ruh u la ong ba khnang ba kan ym buh kano kano ka jingeh ia ki khynnah skul, na ka liang ka Directorate ka la shim ia ka rai ban pynbna bad ai noh da ka shuti ia ki skul kiba hap hapoh ka Shillong Municipal ha katei ka sngi 2 tarik Nailar.