Ioh tam metiap u rangbah bym lah ithuh ha Lumshnong

Syllad | The Rising MeghalayaOctober 30, 2024

Ki Pulit East Jaintia Hills kila iohtam ia kawei ka metiap u rangbah u bym lah satia ban ithuh haka ka jaka kaba la tip kum ka Sohjo, Dong Khliehchnong, Lumshnong.

Ia kane ka metiap la lap haka 28 tarik u Risaw haka por kumba 9:20 mynstep.

Ka khubor pulit ka ong ba ia kane ka metiap kaba la thiah lyngktar la lap ha surok ha Sohjo, Dong khliehchnong kaba hap hapoh Lumshnong ka jngai kumba 200 mitre na ka surok bah NH-06.

U Superintendent of Police ka EJH u pyntip ba ki pulit hadien ba ki la ioh ia ka jingtip ki la her sha katei ka jaka bad shem ba kane ka metiap kaba la pyut la suba ba ka dei jong u bar jylla bad uba la don kumba 40 snem rta.

Ula ong ba ia ka jingtohkit kaba bniah ym shym la lah ban pyndep ha kane ka jaka namar ka metiap ka la pyut, kumta hadien ba la leh ia kaba donkam la pynkynriah noh ia kane ka met shapoh ka jaka buh metiap jong ka Khliehriat Civil Hospital na ka bynta ban leh ia ka Post Mortem.

Une u briew u don ka rynieng 5.5 phut bad uba kham shai sniehdoh, u phong da ka ptalun tracksuit rong light gray, shirt iong ba don lain lieh bad ka slipar Nike kaba thohlieh thoh iong.

Kumta la kyntu ia kiba haiing hasem ne kino kino kiba don jingtip ne ithuh ia kane ka met kin phone sha une u nombor na ka bynta ban leh ia kaba donkam Ph-8974703816.