Ïoh tyllong um dih SAG skhim ka shnong Namdong B

Syllad | The Rising MeghalayaJuly 26, 2021

Ka shnong Namdong B kala ioh ia kawei ka tyllong um naka ka skim sorkar kmie ka Special Assistance Grant (SAG) kaba pyntrei ka Jaintia Hills Autonomous District Council (JHADC) jong u snem 2018-19.

Ia kane ka tyllong um la plie paidbah haka sngi Saitjain ka taiew kaba la dep haka jingiadonlang u MDC Mynsngat Khanduli u Dawan Lyngdoh, Waheh Shnong Ma DS War, Assistant Waheh Shnong Ma Pius Ksoo, Secretary Shnong Ma Apostol Shadap nalor kiwei kiwei.

Kane ka tyllong um dih ka dei kaba don ha Dong Pohkseh bad ka shnong kala pynpaw ba ka jingioh jingiarap na u MDC da kane ka tyllong um kalong ka jingkyrkhu kaba khraw iaki nongshong shnong katei ka dong ban ioh iaka um dih kaba khuid kaba suba.