Ioh waheh shnong thymmai ka Mukhla Nongrim

Syllad | The Rising MeghalayaNovember 11, 2021

U Ma Buhlut Suna, ula shah jied kum u waheh shnong ba thymmai jong ka dorbar shnong Mukhla Nongrim, West Jaintia Hills District.

Ka dorbar shnong Mukhla Nongrim kala pynlong ia kane ka jingjied waheh shnong haka 9 tarik une u bnai haka ïing dorbar ka shnong hapoh ka jingpyniaid u dolloi ka elaka Nangbah u Ma R Moon Garod.

U Ma Garod hadien bala dep pynlong iaka jingjied ula pynbna ba u paidbah ula jied ia Buhlut Suna bad ka samoi treikam jong u kan long na ka bynta lai snem.