Iohkem pang COVID-19 sa 2 ngut ha Khliehriat, pynbna ‘Containment Area’ iaki 6 tylli ki shnong

Syllad | The Rising MeghalayaJuly 21, 2020

Ka Health & Family Welfare Department East Jaintia Hills District, kala pynbna ba don sa arngut kiba ioh ia ka jingpang COVID-19 ha Khliehriat East, Khliehriat West bad kine kiba ioh jingpang la ioh jingtip ruh ki la leit sha Deinchynrum, Lad Sutnga, Mookympad, Sookilo ne don ka jingiakynduh bad katto katne ki briew kiba na kitei ki shnong.

Ka District Administration East Jaintia Hills District ka la pynmih iaka hukum bad la pyntip sha baroh ki Waheh shnong ban pyntip paidbah ba la pynbna ‘Containment Area’ ne ki jaka ba ma ia kine ki 6 (hynriew) tylli ki shnong khnang ba ka Health & Family Welfare Department, ki Magistrate, ki Health Field Workers bad kiwei kiwei de ki nongiarap ki lah ban lum jingtip ia kino kino kiba la ia don ka jingiakynduh bad kitei kiba ioh iaka jingpang.

Ka bor District jong ka East Jaintia Hills District kala kyrpad ia baroh ki nongshong jong kitei ki shnong kiba hap hapoh ka ‘Containment Area’ bad kiwei de ki nongshong shnong jong kiwei pat ki shnong ba kin iatreilang, ia snohkti lang ban ai ka jingiarap iaki contact tracing team ki ban wan sha ki shnong jong ki ban lum jingtip, ban ioh ia ki kyrteng jong baroh kito ki briew kiba la ia kynduh, don jingiadei bad kitei kiba ioh ia ka jingpang COVID-19.