Ithuh ki pulit iaki runar ba wiang ding iaki kali ha Laitumkhrah Police Station

Syllad | The Rising MeghalayaJuly 7, 2023

Ki Pulit jong ka East Khasi Hills Dsitrict kila ithuh iaki runar kiba thang iaki kali haka Laitumkhrah Police Station haka jingiakajia ki ar kynhun kaba la jia haka shiteng synia haka sngi Thohdieng.

U SP ka East Khasi Hills Bah Sylvester Nongtynger ula ong ba kila ithuh iaki briew kiba donkti ban wiang ding iaki kali. Ula kyntait ruh iaka jingkynnoh ba jingpyndonkam jubor iaka bor da ki CrPF bad ula ong ruh ba ki don ki briew kiba thmu ban knieh iaki tiar siat jong ki shipai CrPF.

Ha kane ka sngi ka Myntri ka tnad ka koit ka khiah kaba long ruh ka MLA ka thain Kong Ampareen Lyngdoh kala pynlong jingialang bad u SP East Khasi Hills bad SP (City) Vivek Syiem haka jingiadonlang u MDC Laitumkhrah-Malki Fantin Lakadong.

Kane ka jinghuri hura kala mih hadien ka jingiakhjia ha surok hajan DHS bad hadien la mudui ejahar ha thanad Laitumkhrah bad la kynnoh ba ki pulit kim pdiang iaka FIR.

Ha kane ka jingjia, ki kali ba la pynieng ha phyllaw jong ka Laitumkhrah Police Station ba kynthup ia kawei ka kali Gypsy Pulit kaba don ia u nombar ML02-0238  bad ka kali Tourist kaba don ia u nombar ML05-Y-9977 kila julor phom ha kane ka jingshah thang.

Halor kane ka jingjia ki Pulit kila resgiter iaka case bad ka jingtohkit kala iaid shakhmat.

Na kaliang ka Kong Ampareen haba kren bad ki nongthoh khubor kala ong ba kala bthah iaki pulit ban tohkit ia kane ka jingjia naduh ka jingiakajia hapdeng ki ar kynhun kaba la poi shaduh u pud ban wiang ding iaki kali kiba ieng ha phyllaw jong ka thanad.

Kala ong ruh ba “Wat pynkylla jingiakynnad iapher jaidbynriew namar kum ka MLA ba tip briew, nga ong ba kadei ka jingiakren por mynmiet bad haka por bym ia biang khlieh.”