Jah arngut ki khynnah ha East Jaintia Hills

Syllad | The Rising MeghalayaMay 11, 2021

Arngut ki khynnah ki la jah na la ïing ha Ladrymbai, East Jaintia Hills District.

Kine ki arngut ki khynnah la tip kyrteng kum u Firstme Chyrmang 13 snem rta khun jong ka Charda Chyrmang na ka shnong Pamrapaithlu bad u Kyrchan Chyrmang 14 snem rta khun jong ka Marphi Chyrmang na ka shnong Nartiang bad uba shong ba sah ha Ladrymbai.

Katkum ka ejahar ba la ujor da ki ba haïing ha u Officer in charge Ladrymbai Police Outpost la ïathuh kitei ki arngut ki khynnah ki la jah naduh ka 04/05/2021 haka por 9.00 baje mynstep bad haduh mynta kim pat wan phai shuh.

Ki ba haìing ki la pyrshang ban wad ïaki kylleng kylleng hynrei kim lap ïaki, kumta ki la kyrpad ïaki bor ka aiñ ban ïarap ban wad ïaki.