Jah ka longkmie 37 snem rta na East Jaintia Hills

Syllad | The Rising MeghalayaAugust 20, 2024

U Superintendent of Police, ka East Jaintia Hills, u Giri Prasad lyngba u kyrwoh  pyntip ba kawei ka longkmie kaba kyrteng ka Kong Lutmon Phawa, 37 snem rta kaba dei na ka shnong Dkhiah East, East Jaintia Hills ka la jah rngai na la iing naduh u bnai Iaiong ba la dep bad ba kim pat shym la lapdien haduh mynta.

Ia kane ka jingjia la leit ujor da kaba haiing jong ka, ka Kong Riyoki Phawa hapoh Khliehriat Women Police Station ha ka 14 tarik u Naitung ba la dep.

Na ka liang ka Kong Riyoki ka la ong ba la iohi khatduh eh ia ka Kong Lutmon hapoh ka iingsah jong ka ha Dkhiah East naduh u bnai Iaiong ba la dep. Naduh katei ka por na ka liang kiba haiing hasem ki la pynlong ia ka jingwad ia kane ka longkmie hynrei kim shym la lapdien kat haduh mynta.

Kane ka longkmie kaba la jah rngai ka dei ka khun jong ka (L) Kong Emsi Phawa na Dkhiah East.

• Ka don ka rynieng kumba 4.5 haduh 5 phut
• Ka met ka phad kaba kham raikhoh
• U shniuh khlieh uba iong bad jrong
• Ka don ka jingkhia kumba 37 kilo antad
• Kaba kham rah ki ngab bad nep khmut.