Jakhlia tasam ka dukan sha ha Ladrymbai: KSU

Syllad | The Rising MeghalayaMarch 24, 2021

Ka Khasi Student Union (KSU) Lad Rymbai Unit ka la khang khyrdep ïa kawei ka dukan die Sha ba la pynïaid da u bar Jylla ha Lad Rymbai, East Jaintia Hills District hadien ba kala lap ba kane ka dukan kala leh sih shaba palat kaba lah ban ktah iaka koit ka khiah kiba dihsha dih dud ha kane ka dukan.

Ka KSU Lad Rymbai Unit hadien ba kala ioh jingujor na u paidbah haka Sngi U Blei ka la leit ban jurip kynsan kynsan ia kane ka dukan die sha bad lap ba ka jaka shet bad ka rukom buh jingbam bad kiwei kiwei kalong kaba torti.

Ka KSU halor kane kala dawa na ki bor ba dei peit naduh ka tnad ka koit ka khiah ka bor synshar district ban shimkhia ban leit jurip ia ki dukan die sha die dud bad marbam hapoh ka district khnang ba kan ym ktah iaka koit ka khiah u paidbah.

Ka KSU ka la ai por 3 sngi ïa u trai dukan ban pynkhuid ïa katei ka dukan.

Ha kane ka jingjurip la ïalam da u President u Donbok Mukhim haka jingïadonlang u President ka Wapung Unit u Deiniwan Lyngdoh, u General Secretary ka Wapung Unit u Shwari Ryngkhlem, u President Lapangap Unit u Augustan Timung bad u President ka Jowai Unit u Ewanmi Phawa.