Jam ka Dhana CSC sha ka final Super Division ka EJHDFA

Syllad | The Rising MeghalayaDecember 9, 2024

Ka Dhana CSC kala jam sha ka final ka jong ka Super Division Football Tournament-4th Kyrmen Shylla Contribution Trophy hadien ba kala lah ban pynliem da 1-0 iaka Thangskai Tiger haka jingiakhun qualifier 1 kaba pyniaid da ka East Jaintia Hills District Football Asscoiation (EJHDFA) kaba long ha Diengshynrum haka 9 tarik Nohprah.

Kane ka shikol ka Dhana kala mih paw haka kyllamiet haka minit kaba 63′ kaba la thep da u Shot Swer. Kane ka kol kala neh haudh bakut ka jingialehkai kaba la biang pura iaka Dhana ban buh jaka haka final.

Haka 10 tarik Nohprah ka jingiakhun Semifinal kaba ar ne Eliminator kan long hapdeng ka Rymbai Shkenshynriah SC pyrshah iaka Sutnga SSCC haka por 1:00 baje mynsngi.