Jam ka Shilliang Umshong bad ka Iatyllilang SC Hingaria sha ka quarterfinal 1st Div ka EJHDFA

Syllad | The Rising MeghalayaOctober 31, 2024

Ka Shilliang Umshong bad ka Iatyllilang SC Hingaria kila pynthikna ha kaban buh jaka ialade haka kyrdan quarterfinal haka 1st Division Football Tournament kaba pyniaid da ka East Jaintia Hills District Football Association (EJHDFA) kaba long ha artificial turf ha Diengshynrum haka 31 tarik u Risaw.

Haba phai sha ka jingialehkai ka Shilliang Umshong SC kala pynliem da 2-0 iaka Tpepswer SSWO. Ia kine ki ar kol la thep da u Perforce Ksih (3) bad Hemanjoy Khongsai (53).

Haka jingialehkai kaba bud kaba la long hapdeng ka Iatyllilang SC Hingaria bad Lumshken SC, ka jingiakhun kala kut da kaba iakhaid.

Haka 5 tarik Naiwieng ka jingialehkai kan long hapdeng ka Diengshynrum bad R. Shynrang Shahkhain haka por 12.00 nynsngi. Ka Rangad bad Khliehriat West haka por 2.30 baje nohphai sngi.