Jam ka skul Mynken sha ka semifinal haka Subroto Cup, khyrwit hattrick u Banganson

Syllad | The Rising MeghalayaSeptember 7, 2024

Ka Myngken Christian Higher Secondary School ka la jam sha ka semifinal jong ka lympung ialehkai U-17 International Subroto Cup kaba la long haka 7 tarik Nailur ha nongbah Delhi da kaba pynliem noh ia ka CISCE, Minerva Punjab.

Ha kane ka jingialehkai u Banganson u la lah shisha ban pyni ia ka sap ialehkai ba tbit jong u da kaba ioh ban thep haduh lai tylli ki kol bad kaba la biang pura ia ka Myngken CHSS ba kan jam sha ka semifinal jong kane ka lympung ialehkai.             

Haba sakhi ia ka jinglong jong ka madan ialehkai, khyndiat la iohi ba kam shym la long kaba da paka namar ba ka la lam ktieh bad i khia bha na ka daw ka jingjur jong u slap.    

Pynban kane kam shym la khanglad ia kane ka skul na Meghalaya ba kan pynpaw ia ka sap ialehkai kaba itynnad jong ka ha kane ka lympung.        

Ka jingmih nakane ka jingiakhun hi ka long ba ka Myngken Christain lah ban ong ba ka la pyntikna ialade ban buh jaka sha ka semifinal tang hapoh ki 50 minit jong kane ka jingiakhun hadien ba u Banganson u la ioh ba un thep ia ka hattrick ha ka minit kaba 27, 40 bad 50.           

Hadien kane ka CISCF Minerba Punjab ki la pyrshang tyngeh ban wanphai sha ka jingiakhun da kaba ki la ioh ban thep shi kol, pynban kane kam shym la pynkhih jingmut ia ki player ka Mynken Christian ba kin iai ieng iakhun tad haduh kaba kut ban pyntikna  ban jam khlem jingwit sha ka semifinal.