Jam ka Subroto Mukherjee Cup sha ka pre quarter final ha Jowai

Syllad | The Rising MeghalayaJune 13, 2024

Ka lympung ialehkai District Level Inter School Subroto Mukherjee Cup kaba pyniaid da ka ophis u District Sports Officer, Jowai, kala jam noh sha ka jingiakhun pre quarter final hadien bala kut kaba wat kaba nyngkong haka kyrdan Under-17 bad Unber-15 Boys’.

Haba phai sha ka jingiakhun kaba khatduh jong ka wat kaba nyngkong kaba long haka 13 tarik Jylliew ha Kiang Nangbah Stadium, ka resol ka long ba ka Jowai Public School, St. Dominic HS School, Rising Hills Sec School Mowtyrshiah, Police Public Sec School bad Modern Secondary School kkila jop haka Under- 15 Boys’.

Haba phai shaka jingialehkai ka Jowai Public School kala pynliem iaka Che’s Star HS School da 7-0. Ka St. Dominic HS School kala pynliem iaka Ummulong Presbyterian HS School da 2-0. Ka Rising Hills Sec School Mowtyrshiah kala pynliem iaka Jowai Govt. UP RMSA School da 1-0.

Ka Police Public Sec School kala pynliem iaka Seinraij HS School da 3-1 lyngba ka tie breaker. Katba ka Modern Sec School kala pynliem iaka All Saint Diocesan Sec School da 4-2 lyngba ka tie Breaker.

Ka Pre Quarter Final jong ka kyrdan Under- 17 Boys’ kan sdang haka 14 tarik Jylliew hapdeng ka North Liberty HS School pyrshah iaka Mihmyntdu Sec School. Ka On and On English Sec School pyrshah iaka Laishnong HS School.

Ka St. Dominic HS School pyrshah iaka Seinraij HS School. Ka Sawlyngdoh HS School pyrshah iaka Mihmyntdu RC Eve Sec School bad ka Ummulong Presbyterian HS School pyrshah iaka Kiang Nangbah Govt. HS School.