Jam ki khynnah U-14 ka RC Evening Secondary School sha ka quarter final haka Subroto Cup

Syllad | The Rising MeghalayaSeptember 9, 2022

Ki khynnah ialehkai Under-14 Boys jong ka Jylla Meghalaya, kaba mihkhmat da ka RC Evening SS Mihmyntdu kala jam sha ka quarter final haka lympung ialehkai football 61^st Subroto Mukherjee Cup kaba iaid shaii shait mynta ha BR Ambedkar Stadium, New Delhi.

Kane kala wan hadien ba ka RC Evening kala jop iaka Maharashtra da 4-0 bad pyrshah iaka Gujarat da 13 kol.

Kane ka jingjop bunkol ka dei ka jinglah ialehkai bha u Hamedayo Nongtdu uba la thep 4 kol, u Givenson Suting 3 kol, u Samewon Khonglah 2 kol, u Richan Mi-O Lyngdoh 2 kol, u Dangkermi Oo Ryngkhlem 1 kol bad u Mar-Oo P. Shylla 1 kol.

Ka jingiakhun quarter final kan long haka 11 tarik une u bnai bad ki khynnah ka Jylla kin hap ban ap iaka resol kaba mih haka sngi Saitjain ban aireng pyrshah.