Jam noh ka 3rd Div sha ka pre quarter, sdang sa ka 2nd Div ka WJDSA

Syllad | The Rising MeghalayaAugust 21, 2024

Ka Da ihi Mynsngat, Loompyrdi Iongpiah, Lutituber Ialong bad ka Royal Pole Mihmyntdu kila khur namjop haka jingialehkai kaba khatduh jong ka kylla kaba nyngkong haka Third Division Football Tournament kaba pyniaid da ka West Jaintia District Sports Association (WJDSA).

Kane ka lympung kaba la jam artad sha ka pre quarter final bad kan sdang biang haka 23 tarik u bnai Nailar. Katba ka Second Division Football Tournament- 7^th Debo Shullai Memorial Trophy kan sdang naduh 21 tarik Nailar.

Haba phai sha ka jingialehkai Third Division, haka 20 tarik kaba long ha Kiang Nangbah Stadium, ka Da i hi Mynsngat kala pynliem da 3-0 iaka Nangbah Pohshnong da 3-0. Ia kine ki kol la thep da Depson Tokbi (7, 42) bad u Pyndap Pyrtuh (45).

Ka Royalpole Mihmyntdu jop da 3-1 iaka Mulang Ialong. Na kaliang ka Royalpole Mihmyntdu la thep da u Dahun Bang (23), u Chanbor Krem (35, 47). Katba iaka kol jong ka Mulang Ialong la thep da u Somit Pale 70. Wat la ka Mulang Ialong kala liem, hyrnei kala lah ban buh jaka ialade haka pre quarterfinal.

Ka Loompyrdi Iongpiah kala pynliem da 1-0 Saindur Mihmyntdu. Ia kane ka kol la thep da u Salan Passah (45) kaba la biang pura iaka Loompyrdi Iongpiah ban buh jaka haka wat kaba ar.

Ka Luti Tuber Ialong kala pynliem da 2-1 iaka Pynthor Youth Social Welfare. Ha kane ka jingialehkai ka Pynthor kala iohshuwa ban pynkhih iaka jar lyngba u Fredric Dhar (26). Ka Lutituber kaba wan nadien kala pyntam kylla haka kyllamiet 2 kol lyngba Chalin Lyngdoh (59) bad u Kam Lhuid (64).

Kine harum ka tarik ialehkai pre-quarter final:

• 23.08.24.@ 12.30 PM
  Riatsaliya vrs Loompyrdi Iongpiah.
• 23.08.24 @ 2.30 PM.
  Newhill vrs Phramer.
• 24.08.24 @ 12.30 PM
  Iooksi Youth welfare vrs Lumpyrtuh Mihmyntdu
• 24.08.24 @ 2.30 PM.
  Luti Tuber Ialong vs SCSC Nonglatem.
• 26.08.24 @ 12.30 PM.
  Myrjai vrs Mookynphad Mihmyntdu.
• 26.08.24 @ 2 PM
  Pasyih Cultural vs Madan Thadmuthlong.
• 27.08.24.@ 12.30 PM.
  Mookaswan Dongwah vs Mookyrdup.
• 27.08.24 @ 2PM.
  Mulang Ialong vs Da I hi Mynsngat.

Ha kawei pat ka khubor ka WJDSA, kala pyntip ba kan sdang noh iaka 2^nd Division Football Tournament kan sdang haka 21 tarik Nailar. Haka sngi sdang ka jingiakhun kan long hapdeng ka Madankynsaw Mawkyndeng pyrshah iaka Nangbah Dukhu haka por 12.00 baje mynsngi. Ka Moopliang pyrshah iaka Caroline haka por 2.00 baje nohphai sngi.

Ha kane ka aiom ialehkai ki don 20 tylli ki kynhun bad la phiah 4 tylli ki Pool

Haka Pool A, ki long ka Madankynsaw Mawkyndeng, Nangbah Dukhu, Moopliang, Caroline bad Dongmihsngi.

Haka Pool B, ki long ka Mukhla Umlangshor, NSA, Shilliang Raij, Maitshaphrang Mootyrshiah bad Khliehmynkrem.

Haka Pool C, ki long ka Shangpung Moosyiem, Panaliar, Lumpariat, Lion Sports & Youth Affair bad Khliehmyntang Ialong.

Haka Pool D, ki long ka Lutituber Ialong, Rising Sun Mukhla, Iawmulong Nartiang, Shangpung Khliehmuchut bad Lumbhahdakha Wahiajer.