Jam noh ka Independence Day Cup ka WJDSA sha ka quarter final

Syllad | The Rising MeghalayaAugust 11, 2022

Ka lympung ialehkai Under-17 Independence Day Cup Football Tournament kaba pyniaid da ka West Jaintia District Sports Association (WJDSA) kala jam noh sha ka jingiakhun quarter final hadien ba la poi noh ka wat kaba ar ne pre quarter final sha kaba kut haka sngi Balang.

Ha ka jingiakhun kaba khatduh jong ka pre quarter final ha Kiang Nangbah Stadium, ki khynnah ialehkai ka Lumpariat Dongmihsngi Saindur Mihmyntdu bad ka Mulang Ialong kila khur jingjop.

Haba phai sha ka jingiakhun ka Lumpariat ka la jop ïaka Mookynphad mihmyntdu da 3-2. Ïaki ar kol ka Lumpariat la thep da u Damehi Dkhar (11, 14)  bad u Chijuhlangki Dkhar (50), katba ka ar kol ka Mookynphad Mihmyntdu la thep da u Evening Tariang (42, 51).

Hakawei pat ka jingïakhun ka Dongmihsngi ka la pynliem ïaka Panaliar da 4-1. Na kaliang ka Dongmihsngi la thep da u Donbok Dhar (1), u Pyrkhatshaphrang Sumer (3), u Yowmiki Chadong (12) bad u Faithful Bthuh (54),  katba ka shikol jong ka Panaliar la thep da u Yarsame Dkhar (8),

Haka jingiakhun kaba bud, ka Saindur Mihmyntdu ka jop ïaka Sabahmuswang da 3-0. U Iohi ksan Lyngdoh ka Sabahmuswang ula bakla thep kol (22), u Lakhon Phawa (33) bad u Nangkhroo Lyngdoh (48) kila thep iaka kol ba ar bad b alai ka Saindur.

Haka jingiakhun kaba khatduh ka Mulang Ialong ka la pynliem ïaka Ksehsylle Ïalong da 5-1. Ki san kol ka Mulang la thep da u Risainmitre Phawa (30+1), Charelang Mulieh (36), u Chalet Phawa (51), u Samullang Pale (52) bad u Sojurki Pale (57), katba ka shikol jong ka Kseh sylle Ïalong la thep da u  Nangtei Mulieh (39).

Ka jingiakhun quarter final kan mynta ka sngi Palei.