Jam noh ka Subroto Mukherjee Cup sha ka quarterfinal ha Jowai

Syllad | The Rising MeghalayaJune 18, 2024

Ka lympung ialehkai District Level Inter School Subroto Mukherjee Cup kaba pyniaid da ka ophis u District Sports Officer, West Jaintia Hills kala jam noh sha ka quarterfinal hadien ba kala kut ka jingiakhun ka kylla kaba ar ne ka pre-quarterfinals haka 18 tarik Jylliew ha Kiang Nangbah Stadium.

Ka resol mynta ka sngi ka long ba ka Mihmyntdu RC Eve Secondary School, All Saint Diocesen Secondary School, North Liberty HS School, Govt. Girls HS School bad Kiang Nangbah Govt. HS School kila jop bad buh jaka ialehkai haka quarterfinals

Haka kyrdan Under-15 Boys, ka Mihmyntdu RC Eve Secondary School kala pynliem iaka Marian Hills HS School da 1-0.

Haka kyrdan Under-17 Girls, ka All Saint Diocesan Secondary School kala pynliem iaka On and On English School da 3-1 lyngba ka Tie Breaker. Ka North Liberty HS School kala pynliem iaka Mihmyntdu RC Eve Sec School da 2-0.

Ka Govt. Girls HS School kala pynliem iaka Don Bosco Secondary School da 3-0 katba ka Kiang Nangbah Govt. Secondary School kala pynliem iaka HK. Singh Memorial Secondary School.