Jam ka Open To All T 20 cricket ka AJCA sha ka semifinal

Syllad | The Rising MeghalayaFebruary 28, 2022

Ka lympung ialehkai Open To All T 20 Cricket Tournament ka All Jaintia Cricket Association (AJCA) kala jam noh sha ka semifinal hadien bala kut noh ka wat kaba nyngkong da ka namjop ka HUCC pyrshah iaka Amity da 4 wicket haka jingiakhun kaba long ha Jrisalein, Chutwakhu haka sngi Nyngkong.

Ka HUCC, Amity, Chutwakhu bad ka Moodymmai kidei ki kynhun kiba la rung sha ka semifinal.

Haba phai sha ka jingiakhun ka HUCC pyrshah iaka Amity, ka Amity kala jop iaka toss bad kala kam trai ban tied ha kaba kala kamai 159 run.

U Chamitreman Lamare ula kamai 56 run naki 43 bol, katba u C Ryngkhlem jong ka HUCC ula pynhap 2 wicket naki 4 over.

Ka HUCC haba beh ïaka thong ka la lah ban kamai 161 run na ki 14.4 over bad hap noh 6 wicket.

U Yoomi Patwet ula kamai 73 run naka 32 bol katba u Chamitreman Lamare jong ka Amity ula pynhap 3 wicket naki 4 over.

Ïaka nam ‘Man of the Match’ la ïoh da u Yoomi Patwet jong ka HUCC.

Ka jingïakhun semifinal ba nyngkong kan long haka 3 tarik bnai Lber hapdeng ka HUCC pyrshah ïaka Chutwakhu haka por 10 baje mynstep. Ka semifinal ba ar haka 4 tarik hapdeng ka Moodymmai pyrshah ïaka Amity haka por 10.00 baje mynstep.