Jam semifinal sa ka SCC Padu bad ka Mupyut Dongwah haka football ka ASSA

Syllad | The Rising MeghalayaJanuary 19, 2025

Ka SCC Padu bad Mupyut Dongwah kin long sa ar tylli ki kynhun kiba la buh jaka sha ka semifinal jong ka lympung ialehkai Upper Division bad Lower Division Football Tournament kaba pyniaid daka Amlarem Sub Divisional Sports Association (ASSA).

Kane ka la wan hadien kila jop haka quarterfinal kaba khatduh ha kaba ka SCC Padu kala jop da 3-2 haka tie breaker pyrshah iaka Namrhen RSC Kudengrim haka Upper Division bad ka Mupyut Dongwah kala jop da 4-1 iaka Hynriam haka Lower Division.

Haba phai sha ka jingialehkai kaba la buh por kala kut daka jingiakhait da mar 1-1. Iaka kol jong ka SCC Padu la thep da u Bawatmon Khonglah (37) katba iaka Namrhen RSC Kudengrim la thep da u Luckystar Tongper (42).

Katba haka Lower Division, ka Mupyut Dongwah kala pynliem iaka Hynriam SC da 4-1. Iaki kol jong ka Mupyut la thep da u Ebiamg Pde (7&43) bad Klos Phawa (47), katba iaka Hynriam SC la thep da u Wailaddameki Pamksang (39).